Trosolwg
Darlithydd mewn Troseddeg yn yr Adran Troseddeg, Cymdeithaseg a Pholisi Cymdeithasol yw Dr Jordan Anderson. Ymunodd â'r adran ym mis Mehefin 2024 o Seland Newydd, lle bu'n gweithio ar draws y sectorau cymunedol, academaidd a chyhoeddus.
Mae ymchwil Jordan yn archwilio risg, a sut mae cymunedau, y cyfryngau a pholisi cyhoeddus yn ymateb i'r rhai hynny sydd wedi'u labelu fel rhai 'peryglus'. Roedd ei hymchwil ddiweddar yn archwilio rhyddhau troseddwyr rhyw risg uchel i gymunedau yn Seland Newydd fel microcosm o ddulliau gweithredu'r wladwriaeth fodern, gan ddefnyddio'r digwyddiadau rhyddhau hyn fel cyd-destun i archwilio gweithrediad y gymdeithas risg. Yn fwy cyffredinol, mae diddordebau ymchwil Jordan yn cynnwys dedfrydu amhenodol, mesurau rheoleiddiol ar ôl rhyddhau o'r carchar, troseddeg gymharol a chosb.
Cyn ymuno â Phrifysgol Abertawe, dyfarnwyd PhD i Jordan mewn Troseddeg gan Brifysgol Victoria Wellington (Seland Newydd), lle mae hi bellach yn Gymrawd Ymchwil Cynorthwyol yn y Sefydliad Troseddeg.