Yr Athro Soyer yn Cysylltu ag Alumni LLM Abertawe yn ystod Ymweliad ag Istanbul
Yn ystod ymweliad diweddar ag Istanbul, cafodd yr Athro Soyer gyfle i gwrdd â nifer o gyn-fyfyrwyr LLM Abertawe sy’n byw ac yn gweithio yn y ddinas. Daeth y cyfarfod â graddedigion ynghyd sy’n gweithio mewn cwmnïau cyfreithiol blaenllaw, gan gynnwys Esenyel Partners, Tufekci Law Firm, Ersoy Bilgehan Lawyers & Consultants, BB Partners Law a Sarigol Law Office.
Wrth fyfyrio ar y cyfarfod, dywedodd yr Athro Soyer:
“Roedd hi’n wych gweld ein cyn-fyfyrwyr a chlywed pa mor dda y maent yn symud ymlaen yn eu gyrfaoedd. Yr hyn sydd ganddynt i gyd yn gyffredin yw cryfder allweddol: defnyddio eu graddau LLM yn rhagorol a pharhau i elwa o’r cysylltiadau a wnaethant yn ystod eu hamser yn Abertawe. Mae hyn yn hynod bwysig i mi fel Cyfarwyddwr Rhaglenni LLM S&T yn Abertawe ac i’m cydweithwyr i gyd sy’n gweithio’n ddiflino i sicrhau ein bod yn paratoi ein graddedigion yn y ffordd orau bosibl ar gyfer bywyd ar ôl eu profiad LLM yn Abertawe.”
Mae rhaglenni LLM Abertawe yn cael eu cydnabod yn fyd-eang ac yn parhau i ddenu myfyrwyr o bob rhan o’r byd. Mae’r rhain yn cynnwys yr LLM mewn Cyfraith Forol Ryngwladol, LLM mewn Cyfraith Fasnachol Ryngwladol, LLM mewn Technoleg Gyfreithiol a Chyfraith Fasnachol, LLM mewn Cyfraith Ynni ac LLM mewn Cyfraith Fasnach Ryngwladol.