canllawiau defnyddiol ar gyfer diwrnod canlyniadau

Diwrnod Canlyniadau

Byddwch ar gael

Byddwch ar gael ar gyfer pan fydd eich canlyniadau'n cael eu cyhoeddi ar Ddiwrnod y Canlyniadau, efallai y bydd yn rhaid i chi wneud rhai penderfyniadau cyflym ar eich camau nesaf. Byddwch yn barod i siarad â phrifysgolion a cholegau, mae'n well siarad â nhw eich hun a pheidio â gadael hyn i rywun arall.

Gwiriwch eich e-bost

Byddwn yn eich e-bostio ar Ddiwrnod y Canlyniadau (dydd Iau 13 Awst) i gadarnhau a ydych wedi sicrhau eich lle, neu a ydym yn dal i adolygu eich cais. Byddwn hefyd yn rhoi gwybod i chi a ydym yn aros am unrhyw ganlyniadau neu ddogfennau heb eu derbyn gennych.

Gwirwich UCAS

Gallwch wirio statws eich cais ar UCAS o fore dydd Iau 13 Awst. Byddwn mewn cysylltiad â chi cyn Diwrnod y Canlyniadau gyda manylion sut i gael mynediad at ein system Gadarnhau ac unrhyw gamau y gall fod angen i chi eu cymryd.

Beth i'w wneud os oes cynnig gyda chi

Ydych chi'n bodloni gofynion eich dewis cadarn?

Llongyfarchiadau!

Os oes gennych chi gynnig Cadarn Amodol gyda ni ac yn bodloni'r gofynion, bydd eich lle yn cael ei gadarnhau'n awtomatig a bydd statws eich cynnig yn newid i Gadarn Diamod. Nid oes angen i chi gysylltu â'r Brifysgol i gadarnhau hyn - gwiriwch statws eich cynnig ar-lein.

Byddwn yn anfon rhagor o wybodaeth atoch am ymuno â'r Brifysgol dros yr wythnosau nesaf.

Cofrestru a Sefydlu

Wedi derbyn "cynnig cwrs wedi'i newid"?

Os nad ydych wedi bodloni gofynion eich cynnig, efallai y byddwn yn cynnig lle i chi ar gwrs gwahanol yr ydym yn teimlo y byddai'n addas i chi.

Gallwch ddewis derbyn neu wrthod y cynnig hwn drwy UCAS. Byddwch yn gallu ymateb unwaith y bydd penderfyniad wedi'i wneud ar eich dewis yswiriant hefyd.

Bydd gennych 5 diwrnod i ymateb i gynnig cwrs wedi'i newid, ond rydym yn argymell ymateb cyn gynted â phosibl, gan y gallai hyn ein helpu i ddyrannu eich llety yn gyflymach.

Derbyn cynnig ar UCAS

Paratowch ar gyfer y brifysgol

Archebwch eich llety

Gwnewch gais cyn gynted ag y byddwch yn derbyn eich rhif myfyriwr - anfonir cynigion ar ôl gadarnhau eich lle.

Ysgoloriaethau a bwrsariaethau

Cynnigwn amrywiaeth o ysgoloriaethau a bwrsariaethau academaidd, adrannol, rhagoriaeth ac incwm-gysylltiedig.

Chwaraeon ym Mhrifysgol Abertawe

Rydym yn credu ym mhŵer chwaraeon i ysbrydoli, cysylltu a thrawsnewid bywydau. Cymerwch ran.

Paratoi i symud

Darganfyddwch beth sydd angen i chi ddod a beth rydym yn ei ddarparu.

Addurno eich ystafell

10 ffordd o addurno ystafell myfyrwyr ar gyllideb.

Rydyn ni yma i'ch cefnogi chi

Mae symud i rywle newydd yn gyffrous, ond gall fod ychydig yn frawychus hefyd. Rydyn ni yma i helpu!

Y lle ar gyfer chwaraeon!

Mae gan Brifysgol Abertawe gyfleusterau chwaraeon rhagorol. Gallwch wirio nhw yma.

Diwylliant ar flaenau eich bysedd

Ewch i'r Taliesin am sinema, theatr a digwyddiadau gwych.

Y mannau gorau i astudio

Mae gennym ni amrywiaeth o fannau cyfforddus i astudio. Edrychwch ar y rhestr yma.

myfyrwyr yn eistedd tu fas yn yfed coffi

Mannau cymdeithasol ar y campws

Mae gan gampysau Singleton a’r Bae lu o siopau, caffis a Bariau i chi eu mwynhau.

Tiroedd sydd wedi ennill gwobrau

Nid yn unig y mae gennym y traeth, ond mae ein tiroedd yn fannau awyr agored syfrdanol ar garreg eic

Beth i'w wneud os na chewch gynnig

Rydym yn deall y gall hwn fod yn gyfnod pryderus i chi. Os na fyddwch yn cyflawni'r graddau gofynnol, byddwn yn adolygu eich canlyniadau'n ofalus ac yn ystyried eich perfformiad unigol ochr yn ochr ag eraill sy'n gwneud cais am yr un rhaglen. Byddwn yn gwneud ein gorau i gadarnhau eich lle neu gynnig lle i chi ar raglen arall.

Byddwn yn anfon e-bost atoch ddydd Iau 13 Awst os yw hyn yn berthnasol i chi, ac yn anelu at wneud penderfyniadau ar achosion ffiniol erbyn dydd Gwener 14 Awst.

Rydym hefyd yn eich annog i archwilio cyrsiau sydd ar gael yn ystod Clirio.

Eich canllaw Clirio

Clirio: a wyddo chi?

28% yn dod yn syth i glirio

Mae 28% o ymgeiswyr Clirio yn ei ddefnyddio fel eu dewis cyntaf i ddod o hyd i'w cwrs delfrydol.

Newidiodd 23% eu meddwl

Mae gan 23% o ymgeiswyr cynnig ond maent yn newid eu meddwl, ac yn dod o hyd i'w cwrs ddelfrydol trwy clirio.

Mae gennym Ganllaw Clirio

Os ydych chi eisiau gweld a allai Clirio fod yn addas i chi, porwch drwy ein canllaw defnyddiol.

Pryd i gysylltu â ni

Gobeithiwn fod ein tudalen Awgrymiadau Defnyddiol wedi ateb unrhyw gwestiynau sydd gennych, ac wedi eich helpu i deimlo’n fwy parod ar gyfer Diwrnod y Canlyniadau.

Yn ystod y cyfnod prysur hwn, mae ein Swyddfa Derbyn Myfyrwyr a’n Llinell Gymorth Cadarnhau a Chlirio yn derbyn nifer fawr o ymholiadau. Er mwyn eich helpu i gael yr wybodaeth sydd ei hangen arnoch cyn gynted â phosibl, gwiriwch y canllawiau ar ein gwefan yn gyntaf.

Ar gyfer ceisiadau a gyflwynir drwy e-bost, fel ceisiadau gohirio mynediad, caniatewch 1-2 ddiwrnod gwaith i ni ymateb neu brosesu eich cais. Rydym yn gwerthfawrogi eich amynedd wrth i ni weithio drwy ymholiadau cyn gynted â phosibl.

Rydym yn arbennig o awyddus i glywed gennych os...

Rydych chi eisiau newid cwrs

Os byddwch chi’n derbyn eich canlyniadau ac eisiau astudio cwrs gwahanol, anfonwch e-bost at admissions@swansea.ac.uk gydag amlinelliad byr o’r cwrs yr hoffech gael eich ystyried ar ei gyfer, a pham rydych chi wedi newid eich meddwl. Yna bydd hyn yn cael ei anfon at ein Tiwtor Derbyn i’w ystyried.