Liwei Wen

Helô, fy enw i yw Liwei Wen. Rwyf ar fin graddio gyda gradd baglor mewn Rheoli Busnes Byd-eang.

Pam y dewisaist ti Brifysgol Abertawe?
Ar y dechrau, safle a pherfformiad cryf Abertawe mewn cynghreiriau domestig a ddenodd fy sylw. Ond yr hyn a wnaeth fy argyhoeddi mewn gwirionedd oedd tri ffactor allweddol: y cyfleusterau modern gyda chyfarpar gwych, y campws glan môr hardd sy'n cynnig amgylchedd dysgu heddychlon, ac yn bwysicaf oll, strwythur y cwrs, a gafodd ei gynllunio'n feddylgar ac sydd wedi alinio'n berffaith â'm dyheadau academaidd a gyrfaol.

Pam wnes di ddewis Rhaglen Atodol?
Mae gen i radd baglor mewn marchnata eisoes, ond roeddwn i'n teimlo'r angen i gryfhau fy nealltwriaeth ymarferol o fusnes byd-eang. Roedd y rhaglen atodol hon yn nodedig oherwydd ei bod yn pontio damcaniaeth academaidd â chymhwysiad yn y byd go iawn. Mae hefyd yn gam naturiol ar gyfer dilyn gradd meistr yn y Deyrnas Unedig.

Beth bydd y cwrs hwn yn ei wneud i mi yn y dyfodol?
Mae'r flwyddyn ddiwethaf wedi bod yn wirioneddol drawsnewidiol, diolch i'r wybodaeth a'r profiad rydw i wedi'u hennill. Mae gen i sawl cyfeiriad gyrfa clir yn fy meddwl erbyn hyn, boed hynny mewn diwydiant masnachol traws-fwrdd pwrpasol neu ddod yn ddadansoddwr busnes, neu hyd yn oed lansio fy musnes fy hun. Yn bwysicaf oll, mae'r cwrs hwn wedi rhoi'r sgiliau a'r hyder i mi ddilyn trywydd i gyflawni'r nodau hyn yn uniongyrchol.

Byddet ti'n argymell Prifysgol Abertawe?
Byddwn i'n argymell Prifysgol Abertawe oherwydd ei bod hi'n cynnig ecosystem academaidd cyflawn. Mae'r system addysgu wedi'i threfnu'n dda, mae adnoddau dysgu ar gael yn hawdd, ac mae llu o weithgareddau allgyrsiol ar gael.
Mae cymuned y myfyrwyr yma yn fywiog ac yn gynhwysol. Mae'r darlithwyr a'r tiwtoriaid yn hynod gefnogol, os oes gennych gwestiwn ar-lein neu wyneb yn wyneb, maen nhw bob amser yn barod i’ch helpu ac yn amyneddgar.

Beth yw fy nghynllun ar ôl graddio?
Ar hyn o bryd rwy'n gwneud interniaeth yn Tone Global, asiantaeth farchnata yn Shanghai a sefydlwyd gan entrepreneur o'r Deyrnas Unedig. Mae'r cwmni'n canolbwyntio ar feithrin cysylltiadau diwylliant a busnes rhwng brandiau Tsieineaidd a Phrydeinig. Yn ystod fy interniaeth, rydw i wedi bod yn gweithio mewn meysydd fel cyfathrebu â chleientiaid, cynnal ymchwil y farchnad, creu cynnwys a rheoli prosiectau. Rwy'n synnu pa mor aml rwy'n defnyddio'r wybodaeth a'r sgiliau rydw i wedi'u datblygu yn ystod fy amser yn Abertawe. Mae'n fy atgoffa'n glir o ba mor werthfawr mae'r flwyddyn hon wedi bod.